Ang Bureau of Customs (BOC) – Port of Clark, sa ilalim ng liderato ni District Collector Jairus Reyes sa patuloy nitong kampanya laban sa ilegal na droga, ay nakahuli ng 2.56 kilong mataas na uri ng marijuana, o “Kush,” na nagkakahalaga ng PhP3.084 milyon, sa pakikipagtulungan ng Customs Anti-Illegal Drug Task Force (CAIDTF), Philippine National Police – Aviation Security Group (PNP-AVSEG), National Bureau of Investigation (NBI) Pampanga District Office, Department of Justice (DOJ), at mga lokal na opisyal mula sa Brgy. Dau, Lungsod ng Mabalacat.
Ang kargamento ay dumating noong Oktubre 14, 2024, at na-red flag para sa pisikal na pagsusuri ng X-ray Inspection Project (XIP) ng BOC matapos makakita ng kahina-hinalang mga imahe. Isang K-9 unit ang higit pang nagpatunay sa presensya ng mga ilegal na substansiya.
Sa pisikal na inspeksyon, natuklasan ng mga awtoridad ang dalawang (2) bags. Sa loob ng bawat isa sa mga bag na ito, natagpuan ng mga awtoridad ang dalawang (2) plastic bags na naglalaman ng mga dried leaves na dahon at mga fruiting tops, na pinaghihinalaang mataas na uri ng marijuana. Ang mga sample ay kinuha at ibinigay sa PDEA para sa kemikal na pagsusuri sa laboratoryo, na nagpatunay na ang mga substansiya ay marijuana, na nakategorya bilang mapanganib na droga sa ilalim ng R.A. No. 9165.
Samantala Agad agad namang nag issue si District Collector Jairus Reyes ang Warrant of Seizure and Detention laban sa kargamento dahil sa paglabag sa Sections 118 (g), 119 (d), at 1113 talata f, i, at (l) (3 at 4) ng R.A. No. 10863, na kilala rin bilang Customs Modernization and Tariff Act (CMTA), kaugnay ng R.A. No. 9165, na naamyendahan.
Pinuri ni Collector Reyes ang koponan para sa kanilang tumpak na profiling at scanning efforts, na nagresulta sa matagumpay na pagkakasabat. Kanyang pinatibay ang pangako ng Port of Clark sa kampanya ng BOC laban sa ilegal na droga, alinsunod sa utos ni Commissioner Bienvenido R. Rubio.
Binigyang-diin ni Commissioner Rubio ang dedikasyon ng BOC sa pagtiyak ng kaligtasan ng komunidad at seguridad ng hangganan, ayon sa mga tagubilin ni Pangulong Ferdinand Marcos Jr. at Kalihim ng Pananalapi Ralph G. Recto. (DHEXTER GATOC)
