Sinabi ng Malacañang nitong Biyernes na natapos na ni Independent Commission for Infrastructure (ICI) Commissioner Rossana A. Fajardo ang kanyang mandato matapos makumpleto ang financial forensic review ng mga pondong kaugnay ng mga proyektong iniimbestigahan, habang tinatapos na ng Komisyon ang mga ulat na isusumite sa Office of the Ombudsman at iba pang ahensya ng gobyerno.
Ayon kay Presidential Communications Office (PCO) Acting Secretary Dave Gomez, ipinahayag ni Pangulong Ferdinand R. Marcos Jr. ang kanyang pasasalamat kay Fajardo sa ipinamalas nitong dedikasyon sa paglilingkod-bayan.
Kinilala aniya ni Pangulong Marcos ang mahalagang papel nito sa pagpapatibay ng pananagutan sa paggamit ng pondo ng publiko, alinsunod sa adbokasiya ng administrasyon para sa mabuting pamamahala.
“The President thanks Ms. Fajardo for her service and for helping ensure that public funds are properly accounted for. This forms part of the broader effort to make the government more honest, more transparent, and more responsive to the needs of the people,” ayon kay Gomez.
“Her role was always meant to be temporary and focused only on this mandate. As the Commission continues its work in the coming months, the focus is now on final reports and the proper handover of documents to offices like the Office of the Ombudsman for the next steps,” dagdag pa ng PCO chief.
Inatasan ni Pangulong Marcos ang paglikha ng ICI matapos ang kanyang exposé sa ikaapat na State of the Nation Address (SONA) noong Hulyo 28, kung saan kanyang binatikos ang sistematikong katiwalian at nanawagan ng pananagutan, kasabay ng tumatak na pahayag na, “Mahiya naman kayo sa inyong kapwa Pilipino!”
“Commissioner Rossana Fajardo has completed the specific task she was asked to perform,” muling giit ni Gomez.
“Ms. Fajardo was brought in for a clear financial forensic purpose—to closely review the money linked to the projects under investigation and help trace where public funds went. That work is now finished,” aniya.
Dagdag pa niya, ang “full findings will form part of the ICI’s recommendations to the Ombudsman and will also be turned over to the proper government offices, including the Commission on Audit, so the process can move forward.” (LB)
