ABKD, ILANG SEKTOR NAGSAGAWA NG NOISE BARRAGE
NAGLUNSAD ng kilos protesta at “noise barrage” ang iba’t ibang sektor at samahan na nagmula sa rehiyon ng Gitnang Luzon, Timog Katagalugan, at Kalakhang Maynila sa ilalim ng Alyansa Bantay Kapayapaan at Demokrasya (ABKD) bilang mahigpit na pagkundena sa patuloy na agresibong aksyon ng China sa West Philippine Sea (WPS).
Isinagawa ang aktibidad sa bisperas ng anibersaryo ng makasaysayang tagumpay ng gobyerno ng Pilipinas sa Permanent Court of Arbitration, Hague, Netherlands laban sa pag-aangkin ng China sa ilang bahagi ng WPS sa pamamagitan ng pagbasura ng “9-Dash Line” noong Hulyo 12, 2016. (BONG SON)
