MARTSA NG BAYAN PINANGUNAHAN NG ABKD
Nagsagawa ng Martsa ng Bayan simula UST sa España hanggang Morayta sa Maynila, ang mga lider ng ibat ibang samahan, sektor, organisasyong pang masa at loyalista mula sa Pampanga, Bulakan, Laguna, Cavite at Metro Manila ngayong Lunes, Hunyo 17.
Pinangunahan ito ng bagong tatag na katipunan ng mamamayan ang Alyansa Bantay Kapayapaan at Demokrasya (ABKD) na may layuning ipahayag ang dumadagundong na pagsuporta sa mga programa at polisiya ng administrasyon ni Pangulong Ferdinand Marcos, Jr. sa West Philippine Sea.
Bitbit ang iba’t ibang panawagan at kulturang pagtatanghal laban sa agresibong aksiyon at bagong regulasyon ng China sa WPS, nagkaisa ang mga lumahok sa aktibidad. (BONG SON)
